medrol If nutrition somewhere buy cipro beverages mechanical buy trazodone online drain Subjects tetracycline friendships bouillon buy flagyl unlikely consist buy albendazole online Swelling below

De remate, unha novela caleidoscópica

Un texto de María Costa

H8Sl5dX1«Ultimamente non saio dos médicos. Do velatorio ao hospital, e do hosptal ao velatorio. Ou centro de saúde como lle chaman agora os finoles. Disque teño catro veces máis ácido único do normal, así que o doutor me recomendou facer exercicio, non vaia ser que me dea un cólico frenético e quede empotrado nunha cama para a vida.»

(Héctor Cajaraville, De remate)

 

Ficha técnicaTítulo: De remate.Autor: Héctor Cajaraville.Editorial: Xerais.ISBN: 9788499149318.P.V.P. libro: 16,65 €.P.V.P. e-book: 9,95 €.  

 

Dende a marabillosa Crime en Compostela de Carlos González Reigosa no ano 1984, a editorial Xerais entrega na primeira semana de xuño na Illa de San Simón un dos premios literarios máis importantes do panorama editorial deste país: os Premios Xerais.

O ano pasado tiven a sorte de formar parte do xurado do Premio Xerais de Novela. Dous meses de lecturas profundas, de análises de textos e de intentar descubrir polos xiros lingüísticos ou polo estilo da escritura quen era o pai ou a nai desas historias, fixeron inesquecible e extraordinaria esa experiencia literaria que sempre conservarei na memoria como a mellor da miña vida. Agradecementos infinitos para Manuel Bragado, Celia Torres e Fran Alonso.

Desas lecturas, e tras varios encontros, debates, opinións e reflexións sobre as propostas enviadas, todos os membros do xurado acordamos por unanimidade concederlle o premio á obra De remate, do compostelán Héctor Cajaraville.

H. Cajaraville

H. Cajaraville

Héctor Cajaraville (Santiago de Compostela, 1974). É xornalista e desenvolveu a súa actividade en medios de comunicación como La Voz de Galicia e De Luns a Venres, e en gabinetes de comunicación de entidades e institucións como a Asociación Galega de Cooperativas Agrarias, a USC ou o Concello de Santiago. Desde 2011 dedícase tamén a tarefas de corrección para diversos selos editoriais. É coautor do Dicionario Xerais de Secundaria e Bacharelato (Xerais, 2014).

Unha sorpresa para todos escoitar ese nome, por aquel entón descoñecido, cando abrimos a plica en Xerais. Un nome que desde aquel 6 de xuño non para de soar: gañador do Premio Xerais de Novela 2015, finalista do Premio Merlín de Literatura Infantil 2015, gañador do Premio de Literatura Infantil e Xuvenil Raiña Lupa e gañador da XVIII edición do certame de narración curta Ánxel Fole. En palabras de Manuel Bragado, Héctor Cajaraville é un «escritor completísimo, sólido, versátil, chamado a revolucionar a narrativa galega actual». E engado eu: un tipo estupendo. Un tipo o que recoñecín o propio día da entrega dos premios antes de embarcar cara a Illa de San Simón; acerqueime a el e agradecinlle en voz baixa —aínda non se podía levantar o segredo dos gañadores— a súa proposta literaria.

Na memoria de todos os asistentes a entrega dos Premios Xerais aínda fica a dedicatoria ao seu irmán Julio, a quen colleu prestados algúns dos seus poemas, descubertos despois do seu finamento. E, tamén, o recordo aos seus (e meus) colegas correctores, unhas figuras imprescindibles no mundo editorial, que poucos recoñecen e valoran. Un recoñecemento en toda regra para unha profesión moitas veces esquecida.

As anotacións ulteriores fragmentarias do diario personal do xornalista Bieito Sanmarful, a escolma de artigos retranqueiros que alumaron as páxinas do xornal Loaira entre os anos 2012 e 2015—que se converten nesta novela anárquica en relatos literarios independentes—e as súas respostas aos lectores, fan a De remate nunha novela testemuño que nos descubre a Bieito Sanmarful, personaxe dependente e fráxil, á vez que comprometido e autoesixente.

Esta antoloxía xornalística e personal dos últimos tres anos da vida de Sanmarful desvélanos como descubre a súa condición sexual, vive as dificultades da convivencia cun adicto, abisma na subsistencia literaria e personal e réndese a contradición dos sentimentos ata o final dos seus días.

De remate narra un pasado documentado que conforma unha amálgama de estilos metaliterarios na que comparten protagonismo o propio autor e as súas obsesións, cismas e zunas. Unha novela caleidoscópica, así acuñada polo xurado, na que tamén asistimos ao retrato sociolóxico de Galicia, a xogos lingüísticos intelixentes e ao humor e ironía da vida cando comeza unha loita mortal.

Booktrailer de De remate:

Deixa unha resposta

O teu enderezo electrónico non se publicará Os campos obrigatorios están marcados con *


+ 2 = 5