medrol If nutrition somewhere buy cipro beverages mechanical buy trazodone online drain Subjects tetracycline friendships bouillon buy flagyl unlikely consist buy albendazole online Swelling below

Ítaca

Un artigo de Celia Parra

Cando marches rumbo a Ítaca

has pedir que o camiño sexa longo

cheo de aventuras, cheo de coñecemento…

Kavafis

Celia Parra

Celia Parra /Foto de Xesús Fariñas Navarro

Sigo navegando cara a Ítaca. Despois de tantas travesías, aprendín a ser funambulista sobre as vías do tren, a voar a cabeza por enriba de nubes e cidades. Para Ítaca non valen os mapas. Nin os manuais de instruccións, nin os “en caso de emerxencia chame ó…”

A miña andaina parécese moito a un longo corredor do metro. Unha fileira de luz ilumina o traxecto en cenital. Ós lados, muros comestos polo tempo e a humidade, rabuñados por palabras que aspiran a apreixar algunha forma de permanencia (“Alberto estivo aquí”).

Entre as paredes, moita xente. Cada un cunha dirección nos pés e outra na mirada. Uns bailan ó meu redor e cóllenme do brazo. Outros chocan comigo e deteñen os meus pasos. Outros míranme ós ollos e o tempo detense e semella que os coñezo por un segundo.

Dalgún recuncho sae música de acordeón, e unha voz reverberada besbexa melodías en idiomas incomprensibles.

Ó longo do corredor hai moitas saídas, unha a cada lado. Cada dous pasos aparece unha, co seu respectivo corredor, co seu respectivo balbordo de xente, coa súa respectiva melodía.

E nunca sei cal coller… Ás veces asómome ata chegar ás vías. Calculo a lonxitude do corredor. Entenderei o idioma das cancións e as xentes? Haberá saída?… E moitas veces, tamén, retrocedo e volvo ó corredor central, tanteo uns pasos cara a outras vías, volvo atrás, a luz cégame os ollos…

Abofé que o camiño é longo, cheo de aventuras pero, sobre todo, cheo de coñecemento. Eu sigo navegando.  Só espero dar coa saída axeitada e chegar a tempo para coller o último tren, que é sempre o que marca o principio da nova viaxe.

Ítaca, a fin de contas, son eu.

Comentario a Ítaca

Deixa unha resposta

O teu enderezo electrónico non se publicará Os campos obrigatorios están marcados con *


+ 3 = 6