Os escritores etiquetan a mellor colleita: Laura no deserto (Antón Riveiro Coello) e Leopardo son (Pilar Pallarés)

Este sábado tivo lugar unha das principais citas literarias do país: a chamada Cea das Letras que organiza a Asociación de Escritores e Escritoras en Lingua Galega (AELG). No transcurso da mesma déronse a coñecer os Premios AELG 2012, que distinguen as mellores obras publicadas ao longo do ano pasado.

Premio de Narrativa:

-Gañador: Antón Riveiro Coello, pola súa novela Laura no deserto.

-Finalistas: Xavier Queipo (Extramunde) e Agustín Fernández Paz (Non hai noite tan longa)

Premio de Poesía:

-Gañadora: Pilar Pallarés (Leopardo son)

-Finalistas: Estevo Creus (balea2) e Andrea Nunes Brións(Todas as mulleres que fun)

Premio Literatura Infantil e Xuvenil

-Gañador: Agustín Fernández Paz (Fantasmas de luz)

-Finalistas: Marica Campo (Noutra dimensión) e Fran Alonso (O meu gato é poeta)

Premio a Texto Teatral

-Gañador: Raúl Dans (Chegamos despois a unha terra gris)

-Finalistas: Manuel Guede (A función do tequila) e Inácio Vilariño (Fábula galénica)

Premio Ensaio

-Gañadora: Mercedes Queixas Zas (Vivir, unha aventura irrepetible: Unha biografía de María do Carme Kruckemberg)

-Finalistas: Francisco Rodríguez (Rosalía de Castro. Estranxeira na súa patria) e Carlos Callón (Como defenderes os teus dereitos lingüísticos)

Premio á Mellor Tradución

-          Gañador: Ramón Gutiérrez Izquierdo (Sonetos de Shakespeare)

-          Finalistas: Darío X. Cabana (Os trobadores de Occitania) e Lucía Caeiro (Versos Escollidos de w. Szymborska)

Premio ao Mellor Traballo de Xornalismo Literario

Gañador: Bieito Iglesias

Finalistas: Anxo Tarrío, Iago Martínez, Ramón Chao e Santiago Jaureguizar.

Premio ao Mellor Blog Literario

Gañador: Miro Villar (polo seu blog As Crebas)

Finalistas: Ramón Nicolás (Caderno da Crítica) e Armando Requeixo (Criticalia)

A asociación de escritores tamén fixo unha mención especial aos equipos de normalización e concedeulle o Premio Internacional da AELG ao escritor José Luís Sampedro, ao que o invisten como «Escritor Galego Universal»

A AELG agrupa a máis de 400 escritores e escritoras que teñen algún libro individual publicado en lingua galega. Todos eles teñen dereito a emitir o seu voto nos premios anuais.