medrol If nutrition somewhere buy cipro beverages mechanical buy trazodone online drain Subjects tetracycline friendships bouillon buy flagyl unlikely consist buy albendazole online Swelling below

Proxecto Le, unha aposta polo coñecemento da literatura electrónica

Aínda minoritaria, a literatura electrónica xa está entre nós dende hai algúns, ben poucos, anos. Autores con obra só publicada en formato dixital, revistas electrónicas, blogs…Ao igual que o xornalismo e moitos outros eidos, a popularización da internet convulsiona tamén o sistema literario. No medio desta eclosión está a traballar o Proxecto Le, posto en marcha pola Área de Teoría da Literatura e Literatura Comparada da Universidade de Santiago de Compostela.

O equipo deste proxecto explica na súa web que pretenden “ser unha ferramenta que contribúa ao arquivo e estudo dun corpus literario en continua transformación, cando non en risco de desaparecer. Trátase de favorecer activamente o coñecemento e difusión da literatura electrónica creada e difundida en España, alcanzando novos e diferenciados públicos, construíndo unha rede formada por distintas institucións interesadas na preservación da literatura electrónica. O espazo deste proxecto busca ser non-canónico e antixerárquico, nada atento ás taxonomías xenéricas, un espazo intermedial e híbrido constituído por textos nos que conflúen o verbal, o visual e o sonoro”. Case nada!

O equipo que leva adiante este proxecto está dirixido polo profesor Anxo Abuín, canda el colaboran os tamén docentes María Teresa Vilariño e Darío Villanueva. O resto do equipo confórmano investigadores como Andrea Álvarez, Iria Castro, María López, David Muíño, Manuel del Río, Alfonso Rivera, Saúl Rivas e María Yáñez.

A web do proxecto, que pretende ser referencia para investigadores e persoas interesadas, dispón dun inventario de autores, críticos e teóricos da literatura electrónica.

Comentario a Proxecto Le, unha aposta polo coñecemento da literatura electrónica

  1. E eu sen saber deste sitio!

Deixa unha resposta

O teu enderezo electrónico non se publicará Os campos obrigatorios están marcados con *


8 + 2 =