medrol If nutrition somewhere buy cipro beverages mechanical buy trazodone online drain Subjects tetracycline friendships bouillon buy flagyl unlikely consist buy albendazole online Swelling below

Bicos con lingua

Carla Capeáns

Carla Capeáns

Un artigo de Carla Capeáns

              
Comezo este particular caderno de bitácora escribindo sobre uns dos espectáculos de maior éxito en toda Galicia: Bicos con lingua, de Talía Teatro, leva en cartel máis de oito anos logo da súa estrea en Cee aló polo ano 2003.

       
     

Bicos con lingua, de Talía Teatro

Dirección: Avelino González

Elenco: Artur Trillo e Toño Casais

Autores: Avelino González, Suso de Toro, Cándido Pazó, Xabier Lama,

Manuel Núñez Singala, Ana Iglesias e Marta Etxebarría.

 

A través da comedia, Talía Teatro convídanos a reflexionar sobre a problemática do idioma, sobre o comportamento da sociedade galega ante a lingua, sobre os prexuizos e a situación actual do Galego.

Bicos con lingua, nace a partir dunha escolma de textos que asinan autores como Suso de Toro, Xavier Lama, Cándido Pazó, Marta Echevarría, Manuel Núñez Singala, Avelino González e Ana Iglesias. Teñen en común, por unha parte, a reflexión sobre a lingua galega, e por outro o seu carácter directo, claro e conciso. Son textos que chegan directamente ao público a través da representación ou incorporación de situacións cotiás tomadas da vida real. Esa cotidianidade, unida a un espíritu didáctico, invita á reflexión e fai sentir ao espectador partícipe de todo o espectáculo. No ano 2004, Bicos con lingua acadou finalmente o Premio María Casares ao mellor texto orixinal.

 

O espírito do espectáculo pódese resumir nunha palabra: cotidianidade. Este é un concepto, que aparentemente pode ser sinxelo, pero que afondando dende o punto de vista teatral non o é tanto. En teatro, conseguir que o espectador teña a sensación de sinxeleza, cotidianidade e cercanía non é unha tarefa fácil. Para alcanzar ese obxectivo, cómpre, en primeiro lugar saber cal é realmente o que se pretende, o que se quere provocar no espectador e por outra banda saber cal é o camiño e a forma de alcanzar ese obxectivo. Esa cotidianidade e sinxeleza conséguese a partir da unión de moitos elementos: a estructura da peza, o ritmo, escenografía, iluminación, etc.

A peza constrúese en torno a unha serie de esqueches perfectamente entrelazados que representan situacións da vida cotiá. A estructura do espectáculo é clara e o espectador sabe dende un primeiro momento a clase de espectáculo ao que se enfronta. Contribúen a esa estructura o ritmo constante do espectáculo. Un ritmo uniforme que se adapta ao ritmo que pide cada un dos esqueches ou situacións representadas. Ademáis, a concepción da escenografía relaciónase moi estreitamente con esa idea de sinxeleza e cotidianidade. Optouse por unha escenografía “funcional” na que todos os elementos teñen un “porqué” e unha función determinada.

O elenco está formado por Artur Trillo e Toño Casais, dous grandes do teatro galego. Con Bicos con lingua, Artur Trillo acadou, no ano 2004, o Premio María Casares ao mellor actor. Toño Casais e Artur Trillo conforman unha parella dinámica, moi compenetrada na interpretación e nos xogos que se propoñen a través do propio espectáculo. Aínda que a peza ten unha duración aproximada de cincuenta minutos, a enerxía, a concentración e a disposición dos actores é moi intensa. Pola propia dinámica do espectáculo, esixe do actor unha dedicación especial, pois son múltiples os personaxes que se interpretan e son moitas as escenas ás que se enfrontan.

Bicos con lingua é un espectáculo sinxelo, directo, cotidiano, que invita á reflexión e que se adapta a calquer espazo. Un espectáculo de calidade dirixido a tódolos “falantes”.
 
 

Se queres saber máis da autora, así nos conta Carla Capeáns de si mesma

Comentario a Bicos con lingua

  1. Vin a obra de Talía Teatro en Carballo hai xa uns anos. Dende logo obras destas son as ferramentas necesarias para normalizar (e reflexionar) a lingua e non a publicidade institucional baldeira

Deixa unha resposta

O teu enderezo electrónico non se publicará Os campos obrigatorios están marcados con *


7 + 8 =